Nollaig Oileánach

Cur síos ar shaol oileáin atá anseo, oileán atá bánaithe anois – Inis Treabhair i gCeantar na nOileán i gConamara – sa tréimhse réamhleictreachais agus gan ach timpeall dhá scór duine ina gcónaí ar an oileán. Tá cur síos le fáil ar an Nollaig, ar shaol agus obair na ndaoine, caitheamh aimsire, nósanna agus ar mhuintir an oileáin féin agus mar a chuaigh siad i ngleic leis an saol laethúil ar oileán cung. Cé gur léiriú pearsanta é seo ón taobh istigh, is léiriú freisin é ar thionchar an tsaoil mhóir amuigh agus mar a chuaigh i bhfeidhm ar óige an údair.